網球之王費達拿介紹
Federer大陸譯為費達拿，台灣譯為菲爾特勒
費達拿嘅阿爸 Robert 系瑞士人，阿媽 Lynette 系南非人。佢哋喺同一間製藥廠度做，喺一次生意差事中相識，之後結埋婚。費達拿重有一個大佢兩年嘅家姐 Diana，系一個護士。
費達拿嘅成長道路上嘅偶像系碧加（Boris Becker）同埋艾堡（Stefan Edberg），之後最鍾意嘅球員系森 柏斯（Pete Sampras），呢啲都系單手反拍嘅球員。
喺語言方面，費達拿能夠講三種流利語言：德文（母語）、法文、英文。
喺2000年嘅悉尼夏季奧林匹克運動會，費達拿識咗女朋友Miroslava Vavrinec。佢亦都系職業網球球員，喺 2000年奧運會中同費達拿一齊代表瑞士參加網球項目。佢哋喺2009年4月結婚。
2003年10月，費達拿開展以自己個名命名嘅男性化粧品事業。
2 003年12月，費達拿晌南非成立費達拿基金會，幫助貧困兒童（主要喺阿媽嘅家鄉南非），以及促進世界青年體育嘅發展（主要系網球）。
2005年到2008年，費達拿連續四年得到「勞倫斯體育獎」年度最佳男子運動員。2007年4月，瑞士為佢發行郵票；瑞士好少為人物發行郵票，為在生嘅人發行郵票更加系少之又少，可見佢晌同胞心目中嘅超凡地位。
右手攞拍嘅費達拿喺網球方面好有天份，職業生涯非常成功。佢喺1998年7月轉為職業球員，開始咗職業網球生涯，無幾耐就躋身世界排名頭100名。2004年2月2日，22歲嘅時候，費達拿第一次升上職業網球男子單打世界排名第一位，重一路保持到2008年8月。2007年2月26日打破美國名宿康納斯（Jimmy Connors）嘅連續160周世界第一紀錄。2005年勝出率達到0.9529（81勝4負），系自1984年嘅麥根萊（John McEnroe）之後最高，亦系1968年公開賽年代以嚟第三最高。
費達拿適應泥地以外各種場地條件，系名副其實嘅網壇「統治者」，因此幾乎系所有比賽嘅冠軍大熱門。2008年費達拿因病毒感染，喺年初嘅澳網出局後，成年狀態跌落谷底，更喺嗰年冇咗世界排名第一，61場草地連贏嘅記錄亦喺溫布頓決賽輸畀拿度而告終。
但費達拿喺2009年捲土重來，先喺法網封王，成為史上第6位球員完成生涯大滿貫，相隔一個月再重奪溫布頓，成為史上奪得最多大滿貫嘅球員，更重奪世界第一併維持到球季完，成為史上第二個可以重奪世界第一嘅球員。
