2013我愛HK恭囍發財 海報《2013我愛HK恭喜發財》（英：ILoveHongKong2013）是一部由邵氏影城有限公司與電視廣播有限公司合作拍攝的賀歲喜劇電影，由譚詠麟、曾志偉、葉玉卿、陳百祥及馮淬帆領銜主演。鍾澍佳、錢國偉執導，由曾志偉、戚家基監製。《我愛HK開心萬歲》及《2012我愛HK喜上加囍》的姊妹作。
此電影於2012年11月開拍，於2013年2月11日新年檔期推出，故事主線圍繞著70年代的懷舊香港及2013年的現代。
劇情介紹：
七十年代香港，遍地黃金，處處都有生機！為人忠直嘅宋池雄（黃宗澤飾）遇上狡猾嘅夏石森（謝天華飾），促使阿宋搵到人生第一份工，同阿夏一起到茶樓打工。茶樓老闆（馮淬帆飾）心地善良，伙計騎呢，街坊盞鬼，令茶樓每日都充滿驚喜，人情味同歡樂共冶一爐。唯情關始終擋唔過，宋池雄同夏石森同時愛上太子女美洋洋（徐子珊飾），憨直男對戰花靚仔；美洋洋好友朱玉圓（鄭欣宜飾）為人潑辣，揚言男不壞女不愛，只愛夏石森。眾人衝過情關，亦難敵時代巨輪，面對股災、移民潮等，宋池雄緊守岡位，捍衛茶樓，同街坊一齊渡過難關。而家嘅宋池雄（譚詠麟飾）人到中年，美洋洋（葉玉卿飾）已為人母，夏石森（陳百祥飾）成為集團老闆，茶樓面對呢個年頭嘅惡勢力，傾訴神仙（曾志偉飾）識唔識令到酒樓再添歡樂，又係唔係可以一如以往，團結就係力量？
