歌曲歌詞
七月十五號凌晨第一次去阿姆斯特丹
我想快啲瞓著 但兩點幾嗰陣突然有飛機餐食
全機人都食緊好難一個人唔食
於是我集中精神望窗外面
當時經過緊個地方
有好多一條條白色螢光嘅馬路
中間有啲紅色點成個地面得兩隻色
好似好科幻咁喺唔知邊度
我諗起國小有次交功課
題目系當父母唔俾自己睇電視
作為子女應該點
我寫我會看窗外鄰家的電視
雖然沒有聲音但好過沒有得看
結果班主任叫我對全班讀一次羞辱我
但佢羞辱唔到我我細個系無感覺嘅人
嗰日七月十四號我先轉機去德國再去冰島
我飲曬杯好難飲嘅白酒但都瞓唔著
呢幾年我住厭咗土瓜灣
有時搭小巴返去我特登唔叫下車
等其他人嗌我先下車睇下會行幾遠路
有次去到九龍城都未有人落
我先忍唔住叫有落有時除咗買嘢食
我可以全日唔駛講嘢
去完旅行我會搬去深水埗深水埗有啲拎住籠雀
戴住老夫子嘅帽好似清朝嘅人
嗰日七月十四號
上機前我上咗一陣網
我已經有愛人香港無我嘅事
